Блок з зямлёй горада-героя Мінска

Усталяваны ў Аляксандраўскім садзе ля Крамлёўскай сцяны. Выраблены з цёмна-чырвонага парфіру. Пад блокам у скрыні захоўваецца свяшчэнная зямля горада-героя Мінска. На блоку — назва горада і чэканая выява медалі «Залатая Зорка».

Блок з зямлёй Брэсцкай крэпасці

Усталяваны ў Аляксандраўскім садзе ля Крамлёўскай сцяны. Выраблены з цёмна-чырвонага парфіру. Пад блокам у скрыні захоўваецца свяшчэнная зямля Брэсцкай крэпасці. На блоку — словы «Брэсцкая крэпасць» і чэканая выява медалі «Залатая Зорка».

Помнік Янке Купале

Адчынены ў 2007 годзе.
Аўтары — скульптары Леў і Сяргей Гумілеўскія.
Адрас: сквер на Кутузаўскім праспекце, 28

Мемарыяльная дошка А.А. Грамыка

Адкрыта ў 2009 годзе на доме, у якім у 1963-1989 гг. жыў выбітны беларускі, савецкі дыпламат
Аўтар — скульптар Р.Крывабок.
Адрас: Лявонцьеўскі зав., д.15.

Надмагільны помнік К.Т. Мазураву

Адкрыты ў 1990 годзе на Новадзявочых могілках, на якіх пахаваны выдатны беларускі дзяржаўны, партыйны дзеяч.

Мемарыяльная дошка К.Т. Мазураву

Адкрыта на доме, у якім у 1964—1989 гг. жыў выдатны беларускі дзяржаўны, партыйны дзеяч.
Адрас: вул. Спірыдонаўка, д.15

Беларускі вакзал

Пабудаваны ў 1870 г. Архітэктар І.І. Струкаў.
Абслугоўвае цягнікі далёкага накіравання і прыгарадныя цягнікі беларускага напрамку. Пасажырапаток складае 1,5 тыс.чал. / гадзіну.
У 1970 годзе рэжысёрам А.Смірновым быў зняты фільм «Беларускі вакзал».

Станцыя метро «Беларуская»

Адкрыта ў 1938 годзе на Замаскварэцкай лініі метрапалітэна. Архітэктары: М.Андрыканіс і Н.Быкава. І.І. Струкаў.
У час Вялікай Айчыннай вайны частка станцыі выкарыстоўвалася як цэнтральны камандны пункт, іншая — як бамбасховішча.

Кинатэатр «Брэст»

Адкрыты ў 1974 годзе. Размешчаны каля станцыі метро «Маладзёжная». Глядзельная зала ўмяшчае 505 гледачоў.
На першым паверсе размешчана некалькі кафэ і бараў, рэстаран «Усходняя казка», ігральная зона, цырульня.
Адрас: вул.Ярцэўскай, д.21.

Мемарыяльная дошка Н.В. Траян

Усталявана ў 2013 годзе на будынку Першага Маскоўскага дзяржаўнага медыцынскага універсітэта ім.І.М. Сечанава, у якім Н.В. Траян працавала з 1976 па 1988 год.
Адрас: Вялікая Пірагоўская вуліца, д.2, буд.3

Помнік Маршалу А.А. Лосіку

Адкрыты ў 2013 годзе на Траякураўскіх могілках, на якіх пахаваны А.А. Лосік — Герой Савецкага Саюза, Маршал бранятанкавых войскаў, камандзір 4-й гвардзейскай танкавай брыгады, якая вызваляла ў 1944 году г.Мінск.

Мемарыяльная дошка П.В. Сухому

Усталявана ў 2013 годзе на будынку, у якім з 1947 па 1965 гг. пражываў вядомы беларускі савецкі авіяканструктар П.В. Сухі.
Адрас: Ленінскі праспект, дом 7

Мемарыяльная дошка П.В. Сухому на будынку МВТУ ім.Н.Э. Баўмана

Усталявана ў 2006 годзе на будынку МВТУ ім.Н.Э. Баўмана, якое ў 1925 годзе скончыў выдатны беларускі савецкі авияканструктар П.В. Сухі.
Адрас: 2-я Баўманская вул., дом 5

ААТ Кампанія «Сухі»

Найбуйнейшы авіяцыйны холдынг РФ, на якім працуе больш за 26 тыс. чалавек. Уваходзіць у Аб'яднаную авіябудаўнічую карпарацыю (ААК).

Адрас: вул.Палікарпава, 23б
 

Павильён «Беларусь» на ВВЦ

Пабудаваны ў 1954 г. Архітэктары: Р.А. Захараў, З.С. Чарнышова. Калоны, якія атачаюць панадворак, абвіты маляўнічымі гірляндамі пладоў (барэльеф з маёлікі); пярэднія калоны аздобленыя каляровай маёлікай з нацыянальным беларускім арнаментам; падлога дворыка выкладзена керамічнай мазаікай. Вянчае павільён бельведэр са скульптурай «Беларусь», пакрытай залатой смальтай.

Кінатэатр «Мінск»

Разлічаны на 1200 месцаў. У цяперашні час не працуе. Яго плошчы здаюцца ў кароткатэрміновую арэнду для правядзення кангрэсаў, семінараў, форумаў, фуршэтаў, канцэртаў, выстаў, карпаратыўных трэнінгаў, свят і канцэртаў.
Адрас: Мажайскае шасэ, дом 54

Мемарыальная дошка ў памяць аб «маскоўскай» эвакуацыі БДУ

Устаноўлены ў 2011 годзе на будынку, у якім у гады Вялікай Айчыннай вайны быў размешчаны эвакуяваны з г.Мінска Беларускі дзяржаўны універсітэт ім.У.І. Леніна.
Масква, мкрн Сходня, вул.Кастрычніцкая, 10