Пра супрацоўніцтва Мінска і Краснаярска ў лесагаспадарчай сферы
13.08.2021 г.11 жніўня 2021 г. адбылася сустрэча кіраўніка аддзялення Пасольства ў Краснаярску Аляксандра Пазняка з Міністрам лясной гаспадаркі Краснаярскага краю Аляксеем Пановым.
Разгледжаны пытанні супрацоўніцтва і «кропкі судакранання» ў лесагаспадарчай сферы. Аляксей Паноў станоўча ацаніў працу беларускай спецыяльнай тэхнікі, у прыватнасці, вытворчасці ААТ «Амкадор», якая актыўна задзейнічана ў лясным сектары эканомікі краю.
Міністр таксама адзначыў запатрабаванасць на перспектыву беларускай лесанарыхтоўчай і грузавой тэхнікі для работ па лесанарыхтоўцы і лесааднаўленню, а таксама зацікаўленасць у вывучэнні беларускага вопыту ў працы па зборы і перапрацоўцы дзікарослых пладоў і ягад.
Аляксандр Пазняк выказаў зацікаўленасць у развіцці адносін паміж вытворцамі і спажыўцамі беларускай тэхнікі ў Краснаярскім краі.
Бакі таксама абмеркавалі развіццё кантактаў у сферы малога і сярэдняга бізнесу.
