Пра супрацоўніцтва з Іркуцкай вобласцю
23.08.2021 г.З 18 па 21 жніўня 2021 г. кіраўнік аддзялення Аляксандр Пазняк знаходзіўся з рабочым візітам у Іркуцку, дзе прыняў удзел у рабоце Байкальскага міжнароднага форуму партнёраў-2021 «Інвестыцыі і інавацыі ў комплексным развіцці тэрыторый Сібіры».
У ходзе паездкі адбыліся перамовы з Губернатарам Іркуцкай вобласці Ігарам Кобзевым. Прааналізавана выкананне Плана мерапрыемстваў па рэалізацыі Пагаднення паміж Урадам Іркуцкай вобласці Расійскай Федэрацыі і Урадам Рэспублікі Беларусь аб гандлёва-эканамічным, навукова-тэхнічным, культурным і гуманітарным супрацоўніцтве на 2020 — 2022 гады, выказана ўзаемная зацікаўленасць у візіце сёлета ў Іркуцк старшыні Брэсцкага аблвыканкама Юрыя Шулейкі.
Сумесна з І. Кобзевым прынялі ўдзел у пленарным пасяджэнні Байкальскага міжнароднага форуму, у працэсе працы якога абмяняліся меркаваннямі аб падыходах да прадуктыўнага ўзаемадзеяння органаў дзяржаўнай улады і бізнесу.
Адбыліся таксама перамовы з намеснікам губернатара Іркуцкай вобласці Іванам Калпаковым і міністрам эканамічнага развіцця і прамысловасці Іркуцкай вобласці Наталляй Гершун, падчас якіх закрануты пытанні забяспечанасці будаўнічай сферы Іркуцкай вобласці кадрамі адпаведных прафесій і магчымы ўдзел у вырашэнні гэтага пытання структур Рэспублікі Беларусь.
А.Пазняк прыняў удзел у прэзентацыі пляцоўкі лічбавага Гандлёвага дома «Іркуцк — Брэст», створанага Брэсцкім аддзяленнем БелГПП і Саюзам «Гандлёва-прамысловая палата Усходняй Сібіры».
