Ддэлегацыя Валгаградскай вобласці наведала Беларусь
30.09.2021 г.28-30 верасня 2021 г. Рэспубліку Беларусь наведала дэлегацыя Валгаградскай вобласці на чале з першым намеснікам губернатара — старшынёй камітэта фінансаў Аляксандрам Дарждзеевым.
Прадстаўнікі расійскага рэгіёну прынялі ўдзел у працы Беларускага прамыслова-інавацыйнага форуму, правялі перамовы ў цэлым шэрагу беларускіх міністэрстваў, наведалі прадпрыемствы Мінска і Магілёва, прадставілі сваю прадукцыю на выставе.
Асаблівая ўвага ў праграме візіту — наведванню Віцебскай вобласці, кіраўніцтва якой адказвае за ўзаемадзеянне Рэспублікі Беларусь з Валгаградскім рэгіёнам. Дзелавыя сустрэчы прайшлі ў свабоднай эканамічнай зоне «Віцебск», УП «Полимерконструкция», СХП «Мазоловогаз», ААТ «Вістан», на іншых прадпрыемствах.
У Віцебскім аблвыканкаме гасцей з Валгаградскай вобласці прымаў старшыня Мікалай Шарстнёў. Быў падпісаны План мерапрыемстваў па рэалізацыі Пагаднення паміж Урадам Рэспублікі Беларусь і Адміністрацыяй Валгаградскай вобласці (Расійская Федэрацыя) аб гандлёва-эканамічным, навукова-тэхнічным і сацыяльна-культурным супрацоўніцтве на 2021-2023 гады, складзенага раней Паслом Беларусі ў Расіі Уладзімірам Сямашкам і Губернатарам Валгаградскай вобласці Андрэем Бачаровым.
