:

Арганізацыя ўзаемавыгаднага супрацоўніцтва з рэгіёнамі Расіі

Супрацоўніцтва Рэспублікі Беларусь з суб'ектамі Расійскай Федэрацыі ажыццяўляецца ў межах заключаных пагадненняў аб гандлёва-эканамічным, навукова-тэхнічным і культурным супрацоўніцтве (81 пагадненне з 73 расійскімі рэгіёнамі). Акрамя таго, у рамках міжрэгіянальнага супрацоўніцтва заключана каля 450 дамоў паміж абласцямі Рэспублікі Беларусь, г. Мiнскам і суб'ектамі Расійскай Федэрацыі, а таксама паміж беларускімі раёнамі, гарадамі і расійскімі муніцыпальнымі ўтварэннямі.

На працягу 2021 года падпісаны пагадненні аб супрацоўніцтве з Ленінградскай і Ліпецкай абласцямі, Рэспублікай Адыгея, Астраханскай вобласцю, Рэспублікай Калмыкія, Удмурцкай Рэспублікай, Яўрэйскай аўтаномнай і Валгаградскай абласцямі.

У «дзясятку» лідэраў, якія імпартуюць тавары з Беларусі, па выніках 2021 года ўвайшлі Маскоўская вобласць, г.Масква, Смаленская вобласць, г.Санкт-Пецярбург, Бранская і Калінінградская вобласці, Рэспубліка Татарстан, Растоўская, Ленінградская і Ніжагародская вобласці. На іх долю прыпадала 72,4 працэнта беларускага экспарту ў Расійскую Федэрацыю.

У цэлым па выніках 2021 года станоўчая дынаміка развіцця экспарту забяспечана ў гандлі з 63 суб'ектамі Расійскай Федэрацыі.

У 2021 годзе арганізавана 79 рэгіянальных візітаў – 46 візітаў беларускіх дэлегацый у расійскія рэгіёны, у тым ліку 12 візітаў/сустрэч Надзвычайнага і Паўнамоцнага Пасла Рэспублікі Беларусь у Расійскай Федэрацыі з кіраўніцтвам рэгіёнаў, і 33 візіты дэлегацый суб'ектаў Расійскай Федэрацыі ў Беларусь (у тым ліку 3 – на чале з кіраўнікамі рэгіёнаў).

У 2021 годзе адбылося 112 візітаў дэлегацый беларускіх дзелавых колаў у расійскія рэгіёны і 62 візіты дзелавых колаў рэгіёнаў Расіі ў Рэспубліку Беларусь.

Беларускія арганізацыі ў 2021 годзе прынялі ўдзел у 105 кірмашах па продажы беларускай прадукцыі ў расійскіх гарадах, а таксама 101 кангрэсна-выставачным мерапрыемстве (выставы, форумы, прэзентацыі).

У 2021 годзе ў розных фарматах адбылося 54 пасяджэнні двухбаковых рабочых груп з 48 расійскімі рэгіёнамі (у 2020 годзе – 25 такіх сумесных мерапрыемстваў, у 2019 годзе – 29).

У 2021 годзе падпісана 66 міжрэгіянальных дакументаў аб супрацоўніцтве: 28 планаў мерапрыемстваў па рэалізацыі пагадненняў аб супрацоўніцтве з суб'ектамі Расійскай Федэрацыі і 38 пратаколаў пасяджэнняў Рабочых груп па супрацоўніцтве.

У 2021 г. у рэгіёнах створаны 2 зборачныя вытворчасці беларускай пасажырскай тэхнікі – у Ніжагародскай вобласці і Краснаярскім краі, 1 вытворчасць спажывецкіх тавараў (ва Ульянаўскай вобласці запушчана другая чарга вытворчасці дзіцячых цацак беларускай кампаніі «Палессе», г.Кобрын), 4 прамых суб'екта ТПС (у Тульскай, Калінінградскай і Цюменскай абласцях, у Рэспубліцы Татарстан), 11 ускосных суб'ектаў ТПС (у Краснадарскім краі (2 адз.), Сахалінскай вобласці (4 адз.), Курганскай вобласці, Хабараўскам краі, Свярдлоўскай вобласці (2 адз.), Растоўскай вобласці).

У 2021 годзе падпісаны буйныя кантракты на пастаўку тэхнікі, абсталявання, будаўнічых матэрыялаў. Беларускія будаўнічыя і дарожныя арганізацыі бяруць актыўны ўдзел у рэалізацыі будаўнічых праектаў у расійскіх рэгіёнах.

Да перспектыўных напрамкаў супрацоўніцтва Рэспублікі Беларусь і рэгіёнамі Расійскай Федэрацыі адносіцца прамысловая кааперацыя. 

Важным перспектыўным напрамкам супрацоўніцтва з'яўляецца абмен распрацоўкамі і тэхналогіямі вытворчасці сельскагаспадарчай прадукцыі. Расійскія рэгіёны праяўляюць цікавасць да поспехаў беларускіх аграрыяў з пункту гледжання выкарыстання досведу мадэрнізацыі сельскай гаспадаркі.

Беларусь актыўна пастаўляе ў Расію прадукцыю машынабудавання і аграпрамысловага комплексу. У сваю чаргу, беларуская прамысловасць выкарыстоўвае матэрыялы і камплектуючыя расійскіх партнёраў.

Расійская Федэрацыя з'яўляецца буйным спажыўцом беларускай пасажырскай і сельскагаспадарчай тэхнікі, якая мае надзейнасць і высокія тэхнічныя характарыстыкі. Беларусь актыўна стварае ў Расіі дылерскія цэнтры па продажы і сэрвісным абслугоўванні гэтай тэхнікі.

Акрамя таго, трэба адзначыць высокі ўзровень узаемадзеяння ў сферы будаўніцтва. Беларускія будаўнікі ўзводзяць аб'екты сацыяльнага і прамысловага прызначэння ў шэрагу суб'ектаў Расійскай Федэрацыі, у тым ліку, у ключавых рэгіёнах-партнёрах (Курскай, Варонежскай, Калужскай абласцях, г.Санкт-Пецярбургу). Запатрабаваны ў Расіі паспяховы вопыт беларускіх дарожных кампаній у праектаванні і будаўніцтве аўтамабільных дарог у Цэнтральнай федэральнай акрузе. 

Двухбаковыя камісіі

У адпаведнасці з пастановай Савета Міністраў Рэспублікі Беларусь ад 20 сакавіка 2020 года №160 цяпер за 41 членам Урада і кіраўнікамі падпарадкаваных дзяржаўных арганізацый, аблвыканкамаў і Мінгарвыканкама замацавана 79 рэгіёнаў Расійскай Федэрацыі. 

Дыпмісіі Беларусі за мяжой

Усе дыпмісіі Сайт МЗС
Перайсці