Гісторыя дыпламатычных адносін

Дыпламатычныя адносіны паміж Рэспублікай Беларусь і Расійскай Федэрацыяй устаноўлены 25 чэрвеня 1992 года.

Беларуска-расійскія адносіны маюць стратэгічны саюзніцкі характар і грунтуюцца на шматгадовай гісторыі дружбы і ўзаемнай падтрымкі двух брацкіх народаў.

Узаемадзеянне Беларусі і Расіі будуецца на Дагаворы аб дружбе, добрасуседстве і супрацоўніцтве, падпісаным 21 лютага 1995 года.

2 красавіка 1996 года прэзідэнты дзвюх краін падпісалі Дагавор аб утварэнні Супольнасці Беларусі і Расіі, якое 2 красавіка 1997 года было пераўтворана ў Саюз Беларусі і Расіі. Гэты дзень адзначаецца як Дзень яднання народаў дзвюх краін.

Дагавор аб стварэнні Саюзнай дзяржавы, падпісаны 8 снежня 1999 года, заклаў аснову двухбаковай інтэграцыі ў сферах эканомікі, знешняй палітыкі, абароны і бяспекі, гуманітарнага супрацоўніцтва.

Беларусь і Расія актыўна супрацоўнічаюць у рамках рэгіянальных аб'яднанняў – ЕАЭС, АДКБ, СНД, прытрымліваюцца ўзгодненых падыходаў па ключавых міжнародных пытаннях і падтрымліваюць ініцыятывы адна адной на шматбаковых пляцоўках.

Першым Надзвычайным і Паўнамоцным Паслом Рэспублікі Беларусь у Расійскай Федэрацыі быў Віктар Дзмітрыевіч Даніленка, назначаны на гэту пасаду 27 студзеня 1993 года.

У 1997 годзе Указам Прэзідэнта Рэспублікі Беларусь Аляксандра Лукашэнкі Надзвычайным і Паўнамоцным Паслом Рэспублікі Беларусь у Расійскай Федэрацыі быў назначаны Уладзімір Віктаравіч Грыгор'еў, які 18 студзеня 1998 года ўручыў даверчыя граматы Прэзідэнту Расійскай Федэрацыі.


4 жніўня 2006 года Прэзідэнт Рэспублікі Беларусь Аляксандр Лукашэнка назначыў Васіля Барысавіча Далгалёва Надзвычайным і Паўнамоцным Паслом Рэспублікі Беларусь у Расійскай Федэрацыі.


8 лістапада 2011 года Прэзідэнт Рэспублікі Беларусь Аляксандр Лукашэнка назначыў Андрэя Уладзіміравіча Кабякова Надзвычайным і Паўнамоцным Паслом Рэспублікі Беларусь у Расійскай Федэрацыі. 7 снежня 2011 года Андрэй Кабякоў уручыў даверчыя граматы Прэзідэнту Расійскай Федэрацыі.


10 верасня 2012 года Прэзідэнт Рэспублікі Беларусь Аляксандр Лукашэнка назначыў Надзвычайным і Паўнамоцным Паслом Рэспублікі Беларусь у Расійскай Федэрацыі Ігара Віктаравіча Петрышэнку.


13 лістапада 2018 года Кіраўнік беларускай дзяржавы Аляксандр Лукашэнка назначыў Уладзіміра Ільіча Сямашку Надзвычайным і Паўнамоцным Паслом Рэспублікі Беларусь у Расійскай Федэрацыі.


1 жніўня 2022 года Прэзідэнт Рэспублікі Беларусь Аляксандр Лукашэнка назначыў Надзвычайным і Паўнамоцным Паслом Рэспублікі Беларусь у Расійскай Федэрацыі Дзмітрыя Мікалаевіча Крутога.


27 чэрвеня 2024 года Прэзідэнт Рэспублікі Беларусь Аляксандр Лукашэнка назначыў Надзвычайным і Паўнамоцным Паслом Рэспублікі Беларусь у Расійскай Федэрацыі Аляксандра Мікалаевіча Рагожніка.


22 студзеня 2026 года Прэзідэнт Рэспублікі Беларусь Аляксандр Лукашэнка назначыў Надзвычайным і Паўнамоцным Паслом Рэспублікі Беларусь у Расійскай Федэрацыі Юрыя Міхайлавіча Селіверстава.