Аб сустрэчы Пасла Беларусі ў Расіі з Генеральным сакратаром АДКБ
05.03.2026 г.Надзвычайны і Паўнамоцны Пасол Рэспублікі Беларусь у Расійскай Федэрацыі Юрый Селіверстаў правёў сустрэчу з Генеральным сакратаром АДКБ Таалатбекам Масадыкавым.
Абмеркавалі існуючую ваенна-палітычную сітуацыю ў зоне адказнасці АДКБ. Высока ацанілі вынікі старшынства Кыргызстана ў АДКБ у 2025 годзе, разгледзелі прыярытэты старшынства Расіі.
Юрый Селіверстаў падкрэсліў, што Беларусь надае вялікае значэнне членству ў АДКБ, садзейнічае павышэнню яе аўтарытэту на міжнародных пляцоўках, у канструктыўным ключы разглядае пытанні ўдасканалення дзейнасці Арганізацыі.
Таалатбек Масадыкаў падтрымаў тэзіс, які паслядоўна прасоўваецца беларускім бокам, аб неабходнасці пашырэння інфармацыйна-аналітычнага складальніка ў дзейнасці АДКБ. Акцэнтаваў важную ролю мінскай Міжнароднай канферэнцыі па еўразійскай бяспецы ў працэсах выпрацоўкі новай архітэктуры глабальнай і рэгіянальнай бяспекі.
Таксама суразмоўцы разгледзелі графік найбліжэйшых кантактаў і мерапрыемстваў па лініі АДКБ на розных узроўнях.
