Аб сумесным пасяджэнні калегій МЗС Беларусі і Расіі
25.11.2025 г.25 лістапада ў Маскве пад старшынствам Міністра замежных спраў Рэспублікі Беларусь Максіма Рыжанкова і Міністра замежных спраў Расійскай Федэрацыі Сяргея Лаўрова адбылося сумеснае пасяджэнне калегій знешнепалітычных ведамстваў дзвюх краін.
Бакі аднагалосна прызналі фармат сумесных пасяджэнняў калегій эфектыўным механізмам для каардынацыі намаганняў на міжнароднай арэне, умацавання міжміністэрскіх кантактаў.
У ходзе пасяджэння быў дэталёва разгледжаны шырокі спектр пытанняў двухбаковага ўзаемадзеяння ў кантэксце развіцця Саюзнай дзяржавы і наяўных глабальных працэсаў. Удзельнікі абмеркавалі ход рэалізацыі Праграмы ўзгодненых дзеянняў у галіне знешняй палітыкі на 2024-2026 гады, у тым ліку супрацоўніцтва ў гандлёва-эканамічнай сферы, па пытаннях бяспекі і ў інтэграцыйных аб'яднаннях.
Асаблівая ўвага ўдзелена каардынацыі ў рамках новых цэнтраў сусветнага ўплыву, такіх як ШАС і БРІКС, а таксама на традыцыйных пляцоўках – ЕАЭС, АДКБ і СНД. Бакі дамовіліся паглыбляць узаемадзеянне з трэцімі краінамі, уключаючы Кітай, Індыю, Іран, ААЭ, Зімбабвэ і іншыя дзяржавы Азіі, Афрыкі і Лацінскай Амерыкі, прадаўжаць сумесную работу ў шматбаковых арганізацыях.
У кантэксце зменлівай архітэктуры міжнародных адносін пацверджана прыхільнасць фарміраванню справядлівых міжнародна-прававых рамак, заснаваных на ўзаемным даверы. У сувязі з гэтым адзначаны прагрэс у распрацоўцы ініцыятывы Беларусі па стварэнню Міжнароднай хартыі бяспекі і разнастайнасці ў XXI стагоддзі. Бакі маюць намер сумесна процідзейнічаць неакаланіялізму, у тым ліку на пляцоўцы ААН, і даваць адпор варожай палітыцы блока НАТА.
Асобна абмеркаваны практычныя аспекты рэалізацыі двухбаковага Дагавора аб гарантыях бяспекі і процідзеянне гібрыднай агрэсіі, уключаючы санкцыйны, юрыдычны і інфармацыйны ціск. Падкрэслена неабходнасць ліквідацыі першапрычын ўкраінскага крызісу як умовы для дасягнення ўстойлівага мірнага ўрэгулявання.
У рамках міжрэгіянальнага супрацоўніцтва Максім Рыжанкоў акцэнтаваў важнасць дыпламатыі «крокавай даступнасці» для грамадзян і бізнесу.
У ліку ключавых гуманітарных напрамкаў выдзелены захаванне гістарычнай праўды аб генацыдзе савецкага народа, прасоўванне традыцыйных сямейных каштоўнасцей, процідзеянне дэзінфармацыі і фарміраванне агульнай пазітыўнай інфармацыйнай прасторы. Першачарговай задачай названа ініцыіраванае кіраўнікамі дзвюх дзяржаў стварэнне медыякампаніі Саюзнай дзяржавы як магутнага інструмента для рэалізацыі ўзгодненай інфармацыйнай палітыкі. Перспектыўным інструментам прасоўвання ўзгодненай інфармацыйнай палітыкі названы таксама тэхналогіі штучнага інтэлекту.
Па выніках пасяджэння падпісаны сумесная пастанова і План кансультацый паміж міністэрствамі замежных спраў на 2026 год.
