Аб цырымоніі ўскладання кветак да Вечнага агню каля Магілы Невядомага Салдата
13.05.2026 г.Надзвычайны і Паўнамоцны Пасол Рэспублікі Беларусь у Расійскай Федэрацыі Юрый Селіверстаў усклаў вянок да Вечнага агню каля Магілы Невядомага Салдата ў Маскве.
Урачыстая цырымонія была прысвечана 81-й гадавіне Перамогі ў Вялікай Айчыннай вайне. У цырымоніі прынялі ўдзел дыпламаты Пасольства, прадстаўнікі Пастаяннага камітэта Саюзнай дзяржавы, Еўразійскай эканамічнай камісіі, інтэграцыйных структур, расійскага парламента, беларускай дыяспары.
Удзельнікі цырымоніі таксама ўсклалі кветкі да памятных знакаў «Горад-герой Мінск» і «Брэсцкая крэпасць-герой», устаноўленых побач з Вечным агнём на Алеі гарадоў-герояў каля Крамлёўскай сцяны.
У гутарцы з журналістамі пасля заканчэння цырымоніі Юрый Селіверстаў адзначыў, што ў Беларусі захоўваецца традыцыя шанаваць памяць тых, хто ваяваў за Перамогу:
«Гэта адзін з цэнтральных мемарыялаў у Расіі, таму, вядома, мы не маглі гэтую традыцыю тут не выконваць, – сказаў ён. – З улікам таго, што былі вялікія святы, вялікія мерапрыемствы, мы зрабілі гэта крыху пазней. Памяць загінуўшых вартая, каб гэта рабіць зноў і зноў, і не толькі 9 мая».
Пасол расказаў, што на франтах Вялікай Айчыннай вайны ваявалі абодва дзеда і бабуля па лініі маці:
«Я знайшоў іх тут у расейскіх базах памяці. Іх ордэны і медалі захаваліся ў нас дома ў Мінску. Але было ўсё роўна прыемна, што можна ў базе праз столькі гадоў знайсці фатаграфію блізкага чалавека, пачытаць нават нейкія элементы з узнагародных лістоў».
