Аб візіце дэлегацыі Аршанскага раёна ў Смаленск
23.11.2022 г.23 лістапада адбыўся візіт у г.Смаленск дэлегацыі Аршанскага раёна на чале з першым намеснікам старшыні Аршанскага раённага выканаўчага камітэта Сяргеем Пацам. У склад дэлегацыі ўвайшлі больш за дваццаць прадстаўнікоў буйных прадпрыемстваў рэгіёна.
Падчас візіту прайшлі перамовы беларускай дэлегацыі з кіраўніком горада Смаленска Андрэем Барысавым. У адміністрацыі горада адбыўся круглы стол «Адкрыты дыялог па развіцці супрацоўніцтва гарадоў-пабрацімаў».
Прадстаўнікі Аршанскай і Смаленскай бізнес-супольнасцяў на базе Смаленскай гандлёва-прамысловай палаты правялі прэзентацыі сваіх магчымасцяў, а таксама дзелавыя перамовы.
Аршанская дэлегацыя наведала шэраг знакавых прамысловых прадпрыемстваў Смаленшчыны, уключаючы ААТ ВА «Крышталь».