Увазе грамадзян Беларусі!
31.05.2021 г.Паважаныя грамадзяне Рэспублікі Беларусь!
Звяртаем Вашу ўвагу, што пытанні ўезду ў Расійскую Федэрацыю замежных грамадзян (у тым ліку грамадзян Рэспублікі Беларусь) рэгламентаваны распараджэннем Урада Расіі № 635-р ад 2020/03/16.
Наземным транспартам могуць уехаць толькі асобы, якія падпадаюць пад выключэнні ў рамках вышэйазначанага распараджэння Урада РФ:
асобы, якія маюць від на жыхарства ў РФ;
члены сям’і грамадзян РФ пры наяўнасці дакументаў, якія пацвярджаюць сваяцтва (не проста сваякі, а члены сям’і, якія сумесна пражываюць і вядуць сумесную гаспадарку);
асобы, якія прыбываюць у РФ у сувязі з цяжкім захворваннем або смерцю блізкага сваяка (пры наяўнасці дакументаў, якія гэта пацвярджаюць);
асобы, якія прыбываюць у РФ на лячэнне (пры наяўнасці дакументаў, якія гэта пацвярджаюць).
Бесперашкодна паветраным і чыгуначным транспартам на тэрыторыю Расійскай Федэрацыі могуць уехаць грамадзяне Рэспублікі Беларусь, асобы, якія маюць від на жыхарства ці іншы дакумент, які пацвярджае права на пастаяннае пражыванне ў Рэспубліцы Беларусь, і грамадзяне замежных дзяржаў па пераліку згодна з дадаткам № 1 да вышэйзгаданага распараджэння.
Для ўсіх абавязковы тэст на СOVID-19, адабраны метадам палімеразнай ланцуговай рэакцыі (ПЛР) не раней чым за тры каляндарныя днi да прыбыцця.
Таксама інфармуем, што грамадзяне дзяржаў — членаў Еўразійскага эканамічнага саюза (у тым ліку Беларусі) з 10 ліпеня 2021 года пацвярджаюць наяўнасць адмоўнага выніку тэсту з выкарыстаннем мабільнага прыкладання «Путешествую без СOVID-19».
Мiнiстэрствам аховы здароўя Рэспублiкi Беларусь на падставе прынятых крытэрыяў працягнута актуалізацыя Пераліку краін, у якіх рэгіструюцца выпадкі інфекцыі COVID-19.
Асобы, якія прыбылі з краін, не ўключаных у Пералiк, вызваляюцца ад неабходнасці знаходзіцца ў самаізаляцыі на працягу 14 каляндарных дзён з дня прыбыцця ў Рэспубліку Беларусь.
Аб уведзеных у Расіі абмежаваннях у сувязі з COVID-19
Аб уведзеных у Маскве абмежаваннях у сувязі з COVID-19
Ці маюць права грамадзяне Беларусі, якія знаходзяцца ў Расіі, на атрыманне медыцынскай дапамогі ў сувязі з каронавірусам?
Грамадзяне Рэспублікі Беларусь, якія пастаянна пражываюць у Расійскай Федэрацыі (якія маюць від на жыхарства ў Расійскай Федэрацыі), маюць роўныя правы з грамадзянамі Расійскай Федэрацыі на атрыманне медыцынскай дапамогі, уключаючы бясплатнае лячэнне ў дзяржаўных і муніцыпальных установах аховы здароўя Расійскай Федэрацыі па полісе абавязковага медыцынскага страхавання.
Грамадзяне Рэспублікі Беларусь, якія часова знаходзяцца і часова пражываюць і не працуюць маюць права на атрыманне бясплатнай хуткай медыцынскай дапамогі і медыцынскай дапамогі ў выпадку ўзнікнення ў іх у перыяд знаходжання ў Расійскай Федэрацыі захворванняў, якія ўяўляюць небяспеку для навакольных. Каронавірусная інфекцыя занесена ў дадзены пералік у адпаведнасці з Пастановай Урада РФ ад 31 студзеня 2020 г., № 66 «Аб унясенні змены ў пералік захворванняў, якія ўяўляюць небяспеку для навакольных».
Грамадзяне Рэспублікі Беларусь таксама могуць набываць полісы добраахвотнага медыцынскага страхавання і ў адпаведнасці з імі атрымліваць медыцынскую дапамогу.
У выпадку ўзнікнення праблемных пытанняў, звязаных з аказаннем медыцынскай дапамогі ў Маскве, можна звярнуцца па тэлефоне гарачай лініі па коронавирусу:
+7 (495) 870-45-09 (штодзённа, з 08:00 да 21:00)
Па гэтым тэлефоне прымаюцца заяўкі:
— калі вам не аказалі медыцынскую дапамогу;
— неабходна дапамога з дастаўкай прадуктаў і лекаў (для пенсіянераў і гараджан з хранічнымі захворваннямі).
Актуальная інфармацыя аб рэйсах авіякампаніі «Белавія» і графіку руху цягнікоў Беларускай чыгункі.
Самую аператыўную інфармацыю аб адмене рэйсаў авіякампаніі «Белавія» ў сувязі з увядзеннымі шэрагам краін абмежаваннямі на перамяшчэнні грамадзян можна атрымаць на сайце авіякампаніі. Інфармацыя пра змены ў графіку руху цягнікоў Беларускай чыгункі з краінамі, якія прынялі рашэнне аб часовым спыненні чыгуначных зносін даступная на сайце БЧ.
Кантактны тэлефон Пасольства
ДЛЯ ЭКСТРАННЫХ СІТУАЦЫЙ +7 495 777 66 44
Звярнуцца ў Пасольства таксама можна з дапамогай сістэмы электронных зваротаў альбо e-mail
КАРЫСНЫЯ СПАСЫЛКІ:
Министерство иностранных дел Беларуси
Министерство здравоохранения Беларуси
Роспотребнадзор
Министерство здравоохранения России
Яндекс
Стопкоронавирус.рф
