Да ўвагі грамадзян Беларусі!
19.09.2022 г.Паважаныя грамадзяне Рэспублікі Беларусь, якія часова знаходзяцца на тэрыторыі Расійскай Федэрацыі!
Консульскі аддзел нагадвае аб неабходнасці ўрэгулявання свайго прававога становішча для знаходжання ў Расійскай Федэрацыі:
грамадзяне, у якіх заканчваецца тэрмін знаходжання ў Расіі і ёсць падставы для яго падаўжэння, павінны падоўжыць міграцыйны ўлік;
грамадзянам, у якіх заканчваецца тэрмін знаходжання і адсутнічаюць падставы для яго прадаўжэння, неабходна пакінуць тэрыторыю Расійскай Федэрацыі.
З 18 сакавіка 2022 г. здымаюцца ўсе абмежаванні на перамяшчэнне грамадзян у межах Саюзнай дзяржавы Расіі і Беларусі. Такое распараджэнне падпісаў Старшыня Урада Расіі Міхаіл Мішусцін.
Дакумент стаў вынікам дамоўленасцей Міхаіла Мішусціна і Прэм'ер-міністра Беларусі Рамана Галоўчанкі 14 сакавіка.
Пачынаючы з 2020 года асабістыя паездкі грамадзян з Расіі ў Беларусь і назад былі строга рэгламентаваны. Перасякаць мяжу можна было толькі для паездак да сваякоў, а таксама для лячэння і вучобы.
«Свабода перамяшчэння людзей важная з пункту гледжання развіцця гандлёва-эканамічнага супрацоўніцтва і гуманітарных кантактаў паміж нашымі брацкімі народамі. Сёння гэта асабліва актуальна ва ўмовах узмацнення абмежаванняў з боку недружалюбных краін. Перакананы, што ўмацаванне інтэграцыі ў Саюзнай дзяржаве стане лепшым адказам на санкцыйны прэсінг супраць Расіі і Беларусі», – адзначыў Міхаіл Мішусцін, адкрываючы пасяджэнне Урада 17 сакавіка.
Звяртаем увагу, што для перасячэння расійска-беларускай мяжы грамадзянам Рэспублікі Беларусь патрабуецца дзейны пашпарт грамадзяніна Рэспублікі Беларусь або (у выпадку страты пашпарта) пасведчанне на вяртанне ў Рэспубліку Беларусь. Выдача Пасольствам якіх-небудзь іншых дакументаў, якія замяняюць пашпарт, не прадугледжана.
Таксама звяртаем Вашу ўвагу, што распараджэннем Урада Расійскай Федэрацыі ад 14.06.2022 г. № 1552-р унесены змяненні ў распараджэнне Урада Расійскай Федэрацыі ад 16.03.2020 г. № 635-р, якім устаноўлены эпідэмічна абумоўленыя часовыя абмежаванні на перасячэнне дзяржаўнай мяжы.
У адпаведнасці з прынятымі зменамі грамадзянам Рэспублікі Беларусь дазваляецца ўезд у Расійскую Федэрацыю з тэрыторыі трэціх краін.
Адменены таксама раней уведзеныя абмежаванні на ўезд замежных грамадзян у Расійскую Федэрацыю праз паветраныя і марскія пункты пропуску праз дзяржаўную мяжу Расійскай Федэрацыі (незалежна ад катэгорыі і грамадзянскай прыналежнасці).
Інфармуем аб уступленні ў сілу пастановы Галоўнага дзяржаўнага санітарнага ўрача Расійскай Федэрацыі ад 08.07.2022 № 19 аб адмене з 14 ліпеня 2022 года патрабавання аб прадастаўленні вынікаў ПЦР-тэсціравання на COVID-19 для грамадзян Рэспублікі Беларусь па прыбыцці авіятранспартам у Расію.
Актуальная інфармацыя аб рэйсах авіякампаніі «Белавія» і графіку руху цягнікоў Беларускай чыгункі.
Самую аператыўную інфармацыю аб адмене рэйсаў авіякампаніі «Белавія» ў сувязі з увядзеннымі шэрагам краін абмежаваннямі на перамяшчэнні грамадзян можна атрымаць на сайце авіякампаніі. Інфармацыя пра змены ў графіку руху цягнікоў Беларускай чыгункі з краінамі, якія прынялі рашэнне аб часовым спыненні чыгуначных зносін даступная на сайце БЧ.
Кантактны тэлефон Пасольства
ДЛЯ ЭКСТРАННЫХ СІТУАЦЫЙ +7 495 777 66 44
Звярнуцца ў Пасольства таксама можна з дапамогай сістэмы электронных зваротаў альбо e-mail
КАРЫСНЫЯ СПАСЫЛКІ:
Министерство иностранных дел Беларуси
Министерство здравоохранения Беларуси
Роспотребнадзор
Министерство здравоохранения России
Яндекс
Стопкоронавирус.рф
