Аб прадстаўленні калектыву Пасткама Саюзнай дзяржавы новай Дзяржсакратара С.Глазьева
22.04.2025 г.Надзвычайны і Паўнамоцны Пасол Рэспублікі Беларусь у Расійскай Федэрацыі Аляксандр Рагожнік прадставіў калектыву Пастаяннага камітэта Саюзнай дзяржавы Беларусі і Расіі назначанага Дзяржаўнага сакратара Саюзнай Дзяржавы Сяргея Глазьева.
Пасол падзякаваў Дзмітрыю Мезенцаву за шматгадовую работу на адказнай пасадзе Дзяржсакратара і дасягнутыя поспехі ў саюзным будаўніцтве.
Да пачатку мерапрыемства Аляксандр Рагожнік і Сяргей Глазьеў правялі кароткую рабочую сустрэчу, абмеркаваўшы найбольш актуальныя пытанні саюзнай павесткі і задачы на блізка- і сярэднетэрміновую перспектыву., у прыватнасці, прадастаўленне роўных умоў суб'ектам гаспадарання на рынку Саюзнай дзяржавы, фарміраванне адзінай прамысловай прасторы (у тым ліку рэалізацыю імпартазамяшчальных навукова-тэхнічных праектаў), выкананне палажэнняў Стратэгіі навукова-тэхналагічнага развіцця да 2035 г., мадэрнізацыю транспартна-лагістычнай інфраструктуры.
Асаблівую ўвагу ўдзялілі забеспячэнню роўных правоў грамадзян Беларусі і Расіі, пытанням падрыхтоўкі і кантролю за выкананнем рашэнняў Вышэйшага Дзяржаўнага Савета і Савета Міністраў Саюзнай дзяржавы, Групы высокага ўзроўню.
