Аб сустрэчы Пасла ў Расіі з Губернатарам Краснаярскага краю
24.04.2025 г.Надзвычайны і Паўнамоцны Пасол Рэспублікі Беларусь у Расійскай Федэрацыі Аляксандр Рагожнік правёў рабочую сустрэчу з Губернатарам Краснаярскага края Міхаілам Кацюковым.
Прадметна абмеркавалі бягучыя напрамкі супрацоўніцтва Беларусі з Краснаярскім краем, асаблівую ўвагу ўдзяліўшы пашырэнню аб'ёмаў і наменклатуры паставак прадукцыі беларускага машынабудавання, грамадскага транспарту, у тым ліку з улікам праграм па яго абнаўленню, што рэалізуюцца ў рэгіёне. Аляксандр Рагожнік інфармаваў партнёраў аб даступных для беларускай тэхнікі інструментах экспартнай падтрымкі і крэдытавання.
Вызначылі перспектыўныя «кропкі росту», у першую чаргу ў сферы прамысловай кааперацыі. Сышліся на думцы, што выгаднае геаграфічнае становішча краю, яго транспартна-лагістычныя магчымасці, існуючы кадравы і адукацыйны патэнцыял дазваляюць рэалізаваць маштабныя сумесныя праекты па зборцы, лакалізацыі і абслугоўванні беларускіх машын, стварэнню мультыбрэндавага цэнтра нашай тэхнікі. Таксама Пасол прапанаваў задзейнічаць магчымасці беларускіх арганізацый у праектаванні і ўзвядзенні сацыяльных аб'ектаў у рэгіёне, метрапалітэна ў Краснаярску.
Адзначылі дасягнуты высокі ўзровень узаемадзеяння Беларусі і расійскага рэгіёну ў адукацыі, культуры, спорце. Дамовіліся садзейнічаць пашырэнню маладзёжных абменаў, у тым ліку ў кантэксце захавання памяці аб Перамозе ў Вялікай Айчыннай вайне.
Разгледзелі напаўненне праграмы будучага візіту Губернатара Краснаярскага края ў Беларусь. Дамовіліся, што найбліжэйшым часам у рэгіён будзе накіравана дэлегацыя прадстаўнікоў кіраўніцтва вядучых беларускіх прамысловых прадпрыемстваў для канкрэтызацыі дасягнутых дамоўленасцей.
