Аб рабочым візіце Прэзідэнта Беларусі А.Лукашэнкі у Расійскую Федэрацыю
08.05.2026 г.Прэзідэнт Беларусі Аляксандр Лукашэнка прыбыў з рабочым візітам у Расійскую Федэрацыю. Самалёт беларускага лідара зрабіў пасадку ў аэрапорце «Унукава».
Па запрашэнні Прэзідэнта Расіі Уладзіміра Пуціна Кіраўнік беларускай дзяржавы разам з іншымі высокімі замежнымі гасцямі прыме ўдзел ва ўрачыстасцях у гонар гадавіны Перамогі ў Вялікай Айчыннай вайне. Цэнтрам святочных мерапрыемстваў стане Красная плошча ў Маскве, дзе пройдзе традыцыйны парад Перамогі. Затым адбудзецца цырымонія ўскладання кветак да Магілы Невядомага Салдата.
Плануецца таксама сустрэча прэзідэнтаў Беларусі і Расіі. Аляксандр Лукашэнка і Уладзімір Пуцін абмяркуюць шырокае кола пытанняў двухбаковага супрацоўніцтва, міжнародны парадак дня і абстаноўку ў рэгіёне.
Пасля вяртання ў Мінск Аляксандр Лукашэнка прыме ўдзел ва ўрачыстых мерапрыемствах, якія пройдуць у беларускай сталіцы.
Крыніца: https://president.gov.by/be/events/rabocij-vizit-v-rossijskuu-federaciu-1778239140
