Аб чацвёртым Беларуска-Лацінаамерыканскім форуме

9 красавіка 2025 г. на пляцоўцы Дзелавога і культурнага комплексу Пасольства Рэспублікі Беларусь у Расійскай Федэрацыі прайшоў ІV Беларуска-Лацінаамерыканскі форум, арганізаваны ІРУП «Нацыянальны цэнтр маркетынгу і кан'юнктуры цэн» і Міністэрствам замежных спраў Рэспублікі Беларусь.

У мерапрыемстве прынялі ўдзел дыпламаты 11 пасольстваў краін Лацінскай Амерыкі ў Расійскай Федэрацыі, з якіх 10 былі прадстаўлены на ўзроўні Надзвычайнага і Паўнамоцнага Пасла. Акрамя таго, Форум наведалі кіраўнікі гандлёвых прадстаўніцтваў краін рэгіёна і кіраўнікі гандлёва-эканамічных службаў пасольстваў лацінаамерыканскіх дзяржаў, прадстаўнікі дзелавых колаў шэрагу краін Лацінскай Амерыкі.

Праграма мерапрыемства ўключала ў сябе два асноўныя блокі: машынабудаванне, электратэхніка і металургія, а таксама хімія і нафтахімія.

З прэзентацыямі перад удзельнікамі форуму выступілі прадстаўнікі Міністэрства прамысловасці Рэспублікі Беларусь, канцэрна «Белнафтахім«, а таксама прадпрыемстваў «Гомсельмаш», «МАЗ», «БЕЛАЗ», «МЭТЗ ім. В.І. Казлова», «Магілёўліфтмаш», «БМЗ», «Гродна-Азот», «Белшына» і «Гомельскі хімічны завод».

У сваім выступленні намеснік Міністра замежных спраў Яўген Шэстакоў заявіў, што, акрамя палітычнага складніка, Беларусь ва ўзаемадзеянні з дзяржавамі Лацінскай Амерыкі робіць акцэнт на гандлёва-эканамічным супрацоўніцтве, паколькі эканомікі нашых краін традыцыйна дапаўняюць адна адну. Таксама намеснік кіраўніка МЗС Беларусі падкрэсліў, што ў рамках падобных мерапрыемстваў неабходна не толькі расказваць аб магчымасцях нашай краіны, але і рэкамендаваць суб'ектам гаспадарання мадальнасці працы на вялізным перспектыўным рынку Лацінскай Амерыкі.


У сваю чаргу Пасол Беларусі ў Расіі Аляксандр Рагожнік адзначыў, што краіны Лацінскай Амерыкі праводзяць незалежную палітыку на міжнароднай арэне, у аснове якой ляжаць іх нацыянальныя інтарэсы, і падкрэсліў, што гэты падыход цалкам падзяляе Беларусь.


У рамках знаходжання ў Маскве Яўген Шэстакоў правёў двухбаковыя сустрэчы з пасламі асобных лацінаамерыканскіх дзяржаў.


Падчас гутаркі з Паслом Аргенціны ў Расіі Энрыке Ігнасіа Ферэрам Віейра Я.Шэстакоў выказаў надзею на наданне істотнай дынамікі беларуска-аргенцінскаму дыялогу. Пасол Аргенціны, у сваю чаргу, праявіў цікавасць да прадукцыі беларускага сельгасмашынабудавання.

У рамках сустрэчы з Паслом Балівіі ў Расіі Марыяй Луісай Рамас Урсагасце намеснік кіраўніка беларускага знешнепалітычнага ведамства прапанаваў правесці кансультацыі паміж МЗС на ўзроўні намеснікаў міністраў замежных спраў, а таксама чарговае пасяджэнне камісіі па гандлёва-эканамічным супрацоўніцтве.


У гэты ж дзень Яўген Шэстакоў і Пасол Калумбіі ў Расіі і Беларусі па сумяшчальніцтве Эктар Ісідра Арэнас Нейра падпісалі Пагадненне паміж Урадам Рэспублікі Беларусь і Урадам Рэспублікі Калумбія аб узаемнай адмене віз для кароткатэрміновага знаходжання.

Версія для друку