Аб візіце Кіраўніка Адміністрацыі Прэзідэнта Рэспублікі Беларусь Дзмітрыя Крутога ў Маскву
17.10.2024 г.Адбыўся рабочы візіт Кіраўніка Адміністрацыі Прэзідэнта Рэспублікі Беларусь Дзмітрыя Крутога ў Маскву.
Дзмітрый Крутой сустрэўся з Кіраўніком Адміністрацыі Прэзідэнта Расійскай Федэрацыі Антонам Вайно. Абмяняліся думкамі па шырокім коле пытанняў беларуска-расійскага парадку дня. У фокусе ўвагі была дынаміка кантактаў на вышэйшым і высокім узроўнях, пытанні актывізацыі ўзаемадзеяння па лініі адміністрацый прэзідэнтаў Беларусі і Расіі па напрамках, якія маюць узаемную цікавасць.
Кіраўнікі адміністрацый таксама закранулі пытанні інтэграцыйнага ўзаемадзеяння ў рамках Саюзнай дзяржавы, у тым ліку ход падрыхтоўкі да пасяджэнняў вышэйшых органаў, прымеркаваных да 25-годдзя падпісання Дагавора аб стварэнні Саюзнай дзяржавы.
Асабліва бакі спыніліся на сумесных намаганнях па процідзеянні мерам санкцыйнага націску з боку калектыўнага Захаду, чаму будзе садзейнічаць далейшае паглыбленне прамысловай кааперацыі, рэалізацыя сумесных праграм і інвестыцыйных праектаў, у тым ліку ў высокатэхналагічных сферах і галінах. У гэтым кантэксце субяседнікі адзначылі важную ролю супрацоўніцтва рэгіёнаў Беларусі з суб'ектамі Расіі для пашырэння двухбаковых сувязей ва ўсіх сферах узаемадзеяння.
На гуманітарным напрамку закранулі пытанні рэалізацыі маладзежнай і інфармацыйнай палітыкі, узаемадзеяння па пытаннях гістарычнай памяці.
Дамовіліся аб развіцці працоўных кантактаў паміж адміністрацыямі прэзідэнтаў Беларусі і Расіі.
У ходзе візіту ў Маскву Кіраўнік Адміністрацыі Прэзідэнта Рэспублікі Беларусь Дзмітрый Крутой правеў таксама шэраг сустрэч з кіраўніцтвам Адміністрацыі Прэзідэнта Расійскай Федэрацыі і Урада Расійскай Федэрацыі.
