Аб візіце Пасла ў Курскую вобласць
15.03.2024 г.15 сакавіка Пасол Дзмітрый Круты знаходзіўся з рабочым візітам у Курскай вобласці Расіі.
Паміж Беларуссю і Курскай вобласцю ўзорнае ўзаемадзеянне ў аграрнай сферы, заявіў Дзмітрый Круты па выніках перагавораў з Губернатарам Раманам Старавойтам. Дыпламат паведаміў, што Курская вобласць – адзін з нямногіх рэгіёнаў, у гандлі з якім Беларусь мае адмоўнае сальда. «Гэта не таму, што куране не любяць беларускае, а хутчэй таму, што беларусы больш ядуць прадукцыі з Курскай вобласці, – сказаў Дзмітрый Круты. – Цяпер ад гандлю таварамі мы ідзем ужо ў новыя сегменты, у больш глыбокую кааперацыю. Губернатар рэгіёну наведваў наш знакавы праект – БНБК, якая вырабляе амінакіслоты, камбікармы і прэміксы. І сёння мы даведаліся, што курскія прадпрыемствы ўжо гэтыя амінакіслоты купляюць, а БНБК купляе ў Курску пшаніцу, напрыклад. Такая кааперацыя намячаецца».
Пасол Беларусі ў Расіі расказаў, што нашай краіне цікавы вопыт расійскай кампаніі «Мірагандаль», якая перайшла да вытворчасці прадуктаў глыбокай перапрацоўкі. «Гэты досвед вельмі цікавы, улічваючы, што гэта [мясныя прадукты глыбокай перапрацоўкі] заўсёды была ніша заходніх імпарцёраў. Цяпер у ёй прысутнічае партнёрства з Кітаем, але Губернатар кажа, што нам трэба дабіцца поўнага імпартазамяшчэння па гэтых прадуктах і зрабіць лінейку тавараў самага высокага дабаўленага кошту. Па сутнасці, замкнуць гэты тэхналагічны цыкл. Вядома, мы павінны скарыстацца магчымасцю і вывучыць гэты вопыт, улічваючы тую ўвагу, якая ўдзяляецца ў нас у рэспубліцы аграпрамысловаму комплексу, – рэзюмаваў Пасол.
Дыпламат таксама адзначыў, што ў рэгіёна ёсць вялікі запыт на беларускую тэхніку, у сувязі з чым у прамыслоўцаў адкрываюцца новыя перспектывы на курскам рынку. «У сувязі з гэтым кіраўніцтва Курска запрашае нашы беларускія кампаніі – і МАЗ, і МТЗ, і «АМКАДОР», – якія займаюцца камунальным і дарожным сегментам, правесці прэзентацыю ў Курскай вобласці і пачаць пастаўкі сваёй прадукцыі», – паведаміў Дзмітрый Круты.
Таксама прадметам перагавораў было супрацоўніцтва ў прамысловасці, аграпрамысловым комплексе, сферы турызму.
Дзмітрый Круты адзначыў пазітыўныя і даўнія кааперацыйныя кантакты, якія склаліся паміж прадпрыемствамі Беларусі і Курскай вобласці. У прыватнасці, ААТ «Магілёўліфтмаш» заняло са сваёй прадукцыяй палову курскага рынку, паведаміў ён. «Мінскі маторны завод пачаў пастаўляць на курскае прадпрыемства «Электраагрэгат» рухавікі і арганізаваў сумесную зборку дызель-генератарных установак для суднаў рознага класа. ААТ «Гродна Азот», акрамя пастаўкі гатовых угнаенняў, пачало працаваць з курскай кампаніяй у кааперацыі, гэта таксама важны праект, ён знаходзіцца на асобным кантролі ў Губернатара.
Вельмі рэдкія прыклады ў Расіі, калі нашы кампаніі лёгкай прамысловасці ўзаемадзейнічаюць. А ў Курску кампанія «Бел-Поль» працуе ўжо фактычна 20 гадоў, перажыўшы шмат крызісаў, гэта таксама цікавы досвед», – адзначыў Пасол Беларусі ў Расіі.
Губернатар Раман Старавойт падкрэсліў, што перад нашымі краінамі і рэгіёнамі стаіць задача па развіццю кааперацыйных сувязей паміж прадпрыемствамі і адыходу ад простага гандлю. Нягледзячы на тое, што куране ведаюць і любяць і беларускія прадукты, і іншыя тавары з Беларусі, сёння бакі актыўна вывучаюць варыянты стварэння сумесных вытворчасцей і ўзаемнага выкарыстання сыравіны і кампанентнай базы адзін аднаго, сказаў губернатар Курскай вобласці: «Сёння мы абмеркавалі такую прапанову: у нас падпісаны пабрацімскія пагадненні паміж 20 муніцыпальнымі ўтварэннямі. Гэта даволі шмат: у Курскай вобласці ўсяго 28 раёнаў, 20 з іх звязаны з раёнамі Беларусі.
Арганізаваць кааперацыйныя праекты паміж нашымі пабрацімамі – мы перад сабой цяпер паставілі такую задачу. Спадзяюся, на працягу месяца-паўтара нашыя калегі прапануюць нам, а мы выберам найбольш цікавыя праекты, якія можна было б пры падтрымцы ўрадаў рэалізаваць», – паведаміў Раман Старавойт.
