Аб сустрэчы Пасла Беларусі ў Расіі з Гендырэктарам ТАА «Камунарка»
23.03.2026 г.Надзвычайны і Паўнамоцны Пасол Рэспублікі Беларусь у Расійскай Федэрацыі Юрый Селіверстаў правёў сустрэчу з Генеральным дырэктарам ТАА «Камунарка» (суб'ект тавараправоднай сеткі СААТ «Камунарка» ў Расіі) Вадзімам Салавым.
Прадметна абмеркавалі стан расійскага рынку шакаладу, абмяняліся меркаваннямі па пытаннях фармавання эфектыўнай стратэгіі продажаў гандлёвага дома.
Асаблівую ўвагу надалі: структуры каналаў продажу прадукцыі «Камунаркі»; рабоце з гандлёвымі сеткамі і цэнаўтварэнні на шакаладныя вырабы ў буйным рэтэйле; прадстаўленасці нашай прадукцыі ў расійскіх рэгіёнах; зменам у расійскім заканадаўстве (маркіроўка «Сумленны знак», СПОТ і інш.).
Пасол падкрэсліў неабходнасць павелічэння долі гандлёвага дома ў агульным аб'ёме продажаў фабрыкі на расійскім рынку, актывізацыі выкарыстання маркетынгавых і рэкламных інструментаў для прасоўвання класічнай прадукцыі «Камунаркі» і яе навінак.
Па выніках сустрэчы вызначаны канкрэтныя напрамкі для нарошчвання прысутнасці на расійскім рынку, у тым ліку з дапамогай прамых дагавораў з сеткавым рэтэйлам.
