Аб сустрэчы Пасла ў Расіі з Губернатарам Кемераўскай вобласці – Кузбаса
20.05.2025 г.Надзвычайны і Паўнамоцны Пасол Рэспублікі Беларусь у Расійскай Федэрацыі Аляксандр Рагожнік правёў рабочую сустрэчу з Губернатарам Кемераўскай вобласці — Кузбаса Іллём Сердзюком.
Ключавой тэмай сустрэчы сталі перспектывы пашырэння гандлёва-эканамічнага і гуманітарнага супрацоўніцтва паміж нашай краінай і расейскім рэгіёнам.
Асаблівую ўвагу ўдзялілі развіццю мультыбрэндавага цэнтра беларускай тэхнікі ў Кузбасе.
Пасол адзначыў, што пасля адкрыцця другой чаргі ў ліпені бягучага года, гэты цэнтр стане найбуйнейшым у Расіі: «Сёння ў Кузбасе мы ўжо маем пляцоўку па ремоторизации кар'ерных самазвалаў. Цяпер пабудаваны самы сучасны ў Расійскай Федэрацыі цэнтр, дзе будзе прадстаўлена ўся наменклатура нашага машынабудаўнічага комплексу — ад кар'ерных самазвалаў да пасяўных агрэгатаў, камунальнай і дарожна-будаўнічай тэхнікі».
Губернатар Кузбаса Ілля Сердзюк у сваю чаргу падкрэсліў: «Ключавое пытанне — лакалізацыя вытворчасці кар'ерных самазвалаў БелАЗ у Кузбасе. Гэта дасць рэгіёну новыя працоўныя месцы, падатковыя паступленні ў бюджэт, акрамя таго, тэхніка стане таннейшай для нашых прамыслоўцаў. Для сяброўскай дзяржавы і для самой кампаніі важна супрацоўніцтва з нашым рэгіёнам. Асноўны рынак збыту размешчаны непасрэдна ў Кузбасе, за кошт лакалізацыі яны знізяць сабекошт вытворчасці».
Аляксандр Рагожнік таксама паведаміў аб планах па замене каля 100 адзінак кузбаскага парка трамваяў беларускімі машынамі.
Абмяркоўваліся пытанні будаўніцтва школы і дзіцячага сада ў Кемераўскай вобласці з прыцягненнем беларускіх спецыялістаў.
Асобна разгледзелі шырокі спектр пытанняў гуманітарнага супрацоўніцтва. Дамовіліся аб правядзенні Дзён Беларусі ў Кузбасе і гастролях Вялікага тэатра Беларусі ў Кемерава.
