Аб сустрэчы паслоў Беларусі і Алжыра
22.03.2024 г.Надзвычайны і Паўнамоцны Пасол Рэспублікі Беларусь у Расійскай Федэрацыі Дзмітрый Круты правёў 22 сакавіка сустрэчу з Надзвычайным і Паўнамоцным Паслом Алжырскай Народнай Дэмакратычнай Рэспублікі ў Расійскай Федэрацыі Бумедзіенам Генадам.
Кіраўнікі дыпмісій разгледзелі пытанні двухбаковага парадку дня, абмеркавалі графік маючых адбыцца кантактаў паміж Мінскам і Алжырам, супрацоўніцтва ў палітычнай і гандлёва-эканамічнай сферах.
Пасол Беларусі з задавальненнем канстатаваў рост тавараабароту, адзначыў зацікаўленасць беларускага боку ў аднаўленні сумеснай зборкі ў Алжыры беларускай грузавой і сельскагаспадарчай тэхнікі.
Дзмітрый Круты адзначыў існуючы патэнцыял для павелічэння паставак у Алжыр беларускай сельскагаспадарчай прадукцыі. Запрасіў алжырскі бок да ўдзелу ў Міжнароднай выставе «Белагра» ў чэрвені гэтага года. Выказаў меркаванне, што завяршэнне прызнання беларускіх ветэрынарных сертыфікатаў на малако і малочную прадукцыю будзе садзейнічаць росту паставак на алжырскі рынак.
Пасол Беларусі таксама звярнуў увагу субяседніка на магчымасці паставак у Алжыр беларускай фармацэўтычнай прадукцыі.
Пасол Алжыра ў сваю чаргу падкрэсліў важнасць развіцця ўсяго спектра адносін паміж яго краінай і Беларуссю. Вітаў ідэю развіцця сумесных зборачных вытворчасцей беларускай тэхнікі. Адзначыў важнасць паставак сельгаспрадукцыі для гарантавання харчовай бяспекі, а таксама выказаў зацікаўленасць у азнаямленні з вопытам развіцця фармацэўтычнай галіны ў Беларусі.
Кіраўнікі дыпмісій Беларусі і Алжыра ў Маскве таксама закранулі ўзаемадзеянне дзвюх краін на міжнародных пляцоўках, адзначылі падабенства пазіцый па актуальных пытаннях сусветнага парадку дня.
