Белавія аднаўляе выкананне рэйсаў у Калінінград
29.03.2022 г.28 сакавіка 2022 года авіякампанія «Белавія» паведаміла аб аднаўленні палётаў у Калінінград.
Згодна з інфармацыяй на афіцыйным сайце нацыянальнага авіяперавозчыка з 15 красавіка 2022 года рэйсы па маршруце Мінск-Калінінград-Мінск будуць выконвацца тры разы на тыдзень: па серадах, пятніцах і нядзелях.
У «Белавія» ўдакладняюць, што вылет з Мінска плануецца ў 12:15, прылёт у Калінінград – 14:05.
Зваротныя рэйсы запланаваны на 14:55, прыбыццё ў Нацыянальны аэрапорт Мінск – у 18:50.
З тарыфамі можна азнаёміцца на сайце і ў дадатку «Белавія».
