Аб узаемадзеянні ў банкаўскай сферы
09.03.2022 г.5 сакавіка ў аддзяленні Пасольства адбылася сустрэча кіраўніка аддзялення Аляксандра Пазняка з дырэктарам сярэдняга бізнесу АТ «Альфа-Банк» у Краснаярску Максімам Дзюбам.
Улічваючы ўдзел дадзенага банка ў дзяржаўных праграмах падтрымкі бізнесу ў Краснаярскім краі, працу з арганізацыямі, якія могуць атрымаць дзяржаўную падтрымку, размова ішла аб магчымай падтрымцы прадпрыемстваў — дылераў беларускай прадукцыі, у тым ліку шляхам прадастаўлення ім банкаўскіх гарантый. Абмеркаваны перспектывы магчымага ўзаемадзеяння з ТАА «Белрус»,
ТАА «Краснаярск-БелазСэрвіс», іншымі магчымымі спажыўцамі банкаўскіх паслуг, якія прадстаўляюць інтарэсы Рэспублікі Беларусь.
Бакі дамовіліся прадоўжыць абмен інфармацыяй у мэтах садзейнічання экспарту беларускай прадукцыі ў Краснаярскі край і Рэспубліку Тува.
