Помнік трактару «Беларусь» адкрыўся ў Навасібірску
03.09.2021 г.Раніцай 3 верасня ў першай лініі адной з самых ажыўленых магістраляў Новасібірскага раёна — Савецкай шашы, — у непасрэднай блізкасці да Новасібірску адбылося ўрачыстае адкрыццё помніка легендарнаму трактару «МТЗ-50».
Помнік уяўляе сабой адноўлены трактар «Беларусь», 1963 года выпуску. Стварэнне такога магутнага і патрэбнага сімвала стане данінай павагі да гісторыі краіны, дасягненняў нашых бацькоў, будзе праслаўляць «чалавека працы, работніка сельскай гаспадаркі, машынабудаўніка».
У Новасібірску размешчаны найбуйнейшы ў Расійскай Федэрацыі дыстрыб’ютар Мінскага трактарнага завода — Гандлёвы Дом «МТЗ-Сібір», які і рэалізаваў гэты праект пры падтрымцы ўрада Новасібірскай вобласці і кіраўніцтва МТЗ. З 2016 года Тоговым Домам кіруе ўраджэнец Беларусі Дзмітрый Белайц.
За час працы — з 18 сакавіка 2004 года — Гандлёвы дом зарэкамендаваў сябе як надзейны і дынамічны пастаўшчык на тэрыторыі Сібірскага і Далёкаўсходняга федэральных акругаў. «Вялікі вопыт і прафесіяналізм у сваёй справе дазваляе нам цалкам задавальняць патрэбы буйных кампаній і прыватных асоб шырокім асартыментам трактарнай прадукцыі. Ужо больш за 15 гадоў мы ажыццяўляем прамыя пастаўкі трактароў „Беларус“, арыгінальных запчастак і навяснога абсталявання на тэрыторыі Сібіры і Далёкага Усходу », — адзначае Дзмітрый Белайц.
