Дэлегацыя Краснадарскага краю наведала Рэспубліку Беларусь
14.02.2022 г.10-11 лютага Рэспубліку Беларусь наведала дэлегацыя Краснадарскага краю пад кіраўніцтвам губернатара расійскага рэгіёну Веніяміна Кандрацьева.
На працягу двух дзён актыўнай работы прадстаўнікі Кубані правялі перагаворы з кіраўніцтвам міністэрства прамысловасці, антыманапольнага рэгулявання і гандлю, а таксама сельскай гаспадаркі і харчавання Рэспублікі Беларусь.
У 2021 годзе тавараабарот Рэспублікі Беларусь з Краснадарскім краем склаў 348,4 млн. долараў і ў параўнанні з 2020 годам павялічыўся на 14,4 працэнта, экспарт — 247,8 млн. долараў, павялічыўся на 15,6 працэнта, імпарт — 100,6. млн. долараў, узрос на 11,7 працэнта. Аснову экспарту склалі пастаўкі спецыфічных тавараў, пруткоў і профіляў алюмініевых, сыроў і тварагу, керамічнай пліткі. У Краснадарскім краі ў першую чаргу закупляюцца плодаагароднінная прадукцыя, дрот з нелегіраванай сталі, алей сланечнікавы.
Бакамі рэалізуецца Пратакол мерапрыемстваў на 2021-2023 гады па выкананні Пагаднення паміж Урадам Рэспублікі Беларусь і адміністрацыяй Краснадарскага края Расійскай Федэрацыі аб гандлёва-эканамічным, навукова-тэхнічным і культурным супрацоўніцтве.
Акрамя таго, кіраўнік Краснадарскага края, якога суправаджаў Міністр прамысловасці Рэспублікі Беларусь Пётр Пархомчык, азнаёміўся з работай ААТ «Белкамунмаш» і Мінскага трактарнага завода. Супрацоўніцтву названымі беларускімі прадпрыемствамі бакі і ўдзялілі асаблівую ўвагу ў ходзе прадметнага абмеркавання перспектыў гандлёва-эканамічнага ўзаемадзеяння.
У ходзе сустрэчы з Міністрам антыманапольнага рэгулявання і гандлю Рэспублікі Беларусь Аляксеем Багданавым, які з'яўляецца сустаршынёй Рабочай групы па супрацоўніцтве Рэспублікі Беларусь і Краснадарскага краю, пацверджана гатоўнасць правесці сумеснае пасяджэнне гэтага рабочага органа ў Краснадары ў маі 2022 года.
Расійскі рэгіён мае значны патэнцыял для нарошчвання ўзаемадзеяння і паглыблення эканамічных сувязей.
