Міністр прамысловасці Беларусі абмеркаваў пытанні актывізацыі супрацоўніцтва з рэгіёнамі Расіі
27.04.2022 г.26 красавіка Міністр прамысловасці Рэспублікі Беларусь Пётр Пархомчык на пляцоўцы Міжнароднай прамысловай выставы «ІННАПРОМ. Цэнтральная Азія» (Ташкент, Рэспубліка Узбекістан) правёў перамовы з дэлегацыямі Краснадарскага краю і Чачэнскай Рэспублікі Расійскай Федэрацыі.
З намеснікам кіраўніка адміністрацыі Краснадарскага края Аляксандрам Рупелем і намеснікам Старшыні Урада Чачэнскай Рэспублікі Хасанам Хакімавым абмяркоўваўся ход рэалізацыі дамоўленасцей, раней дасягнутых у ходзе сустрэч у Мінску, а таксама новыя перспектыўныя праекты двухбаковага ўзаемадзеяння.
У бягучым годзе гэта ўжо не першая сустрэча Пятра Пархомчыка з кіраўніцтвам Кубані і Чачні. У лютым Беларусь наведала дэлегацыя пад кіраўніцтвам кіраўніка адміністрацыі Краснадарскага краю Веніяміна Кандрацьева, а ў красавіку намеснік Старшыні Урада Чачэнскай Рэспублікі Хасан Хакімаў.
