У Растоўскай вобласці закладзены сквер расійска-беларускага сяброўства
21.04.2022 г.16 красавіка ў хутары Пагарэлаў Белакалітвенскага раёна Растоўскай вобласці адбылася закладка сквера расійска-беларускага сяброўства «Радзіма-Радзіма».
Ініцыятарам стварэння сквера выступіў Старшыня камітэта тэрытарыяльнага грамадскага самакіравання Хутар Пагарэлаў Васіль Лук'янаў.
У мерапрыемстве прынялі ўдзел кіраўнік Гарняцкага сельскага паселішча Белакалітвенскага раёна Растоўскай вобласці – Яўгенія Аголь, вучні і настаўнікі Пагарэлаўскай і Круцінскай школ, сацработнікі, работнікі мясцовага дома культуры і жыхары хутара. Беларусь была прадстаўлена кіраўніком аддзялення Пасольства Рэспублікі Беларусь у Растове-на-Доне Дзянісам Цімохіным і прадстаўнікамі «Саюза беларусаў Дона». Настрой стваралі казачыя і беларускія песні.
Хутар Пагарэлаў і размешчаны на яго тэрыторыі Сацыяльна-этнічны цэнтр «Ігарава поле» вядомы тым, што прымаюць у сябе на абодвух берагах ракі Калітвы міжнародныя Каяльскія чытанні.
Каяльскія чытанні праходзяць штогод у траўні на працягу двух дзён пад дэвізам: «Слова пра паход Ігаравы – помнік культуры, які аб'ядноўвае народы». У іх бяруць удзел ваенна-патрыятычныя клубы, творчыя калектывы, майстры дэкаратыўна-прыкладнога мастацтва з розных куткоў Расіі і блізкага замежжа.
Гледачам дэманструецца рэканструкцыя бітвы дружыны князя Ігара Ноўгарад-Северскага з палавецкім ханам Канчаком, штурм крэпасці з удзелам аб'яднаных ваенна-гістарычных клубаў з розных рэгіёнаў Расіі, бітвы казакоў з туркамі.
Пастаянныя ўдзельнікі фестывалю творчыя калектывы беларускай дыяспары Дона.
