Аб актывізацыі супрацоўніцтва са Смаленскай вобласцю
16.08.2021 г.16 жніўня 2021 г. адбылася сустрэча кіраўніка аддзялення Пасольства ў Смаленску Валерыя Гурына з Намеснікам губернатара Смаленскай вобласці — кіраўніком Апарату Адміністрацыі Смаленскай вобласці Юрыем Свірыдзенкавым.
У ходзе перагавораў абмеркавана рэалізацыя дамоўленасцей, дасягнутых 30 красавіка 2021 г па выніках пасяджэння рабочай групы па супрацоўніцтве Рэспублікі Беларусь са Смаленскай вобласцю.
Беларускім бокам пацверджана гатоўнасць удзельнічаць у рэалізацыі праектаў па мадэрнізацыі дарожнай інфраструктуры рэгіёну, уключаючы пастаўку дарожна-будаўнічай і пасажырскай тэхнікі, газіфікацыі населеных пунктаў, будаўніцтву школ, дзіцячых садкоў.
У гэты ж дзень Валерый Гурын быў прыняты кіраўніком горада Смаленска Андрэем Барысавым. На сустрэчы абмеркаваны шляхі інтэнсіфікацыі міжрэгіянальных кантактаў, ход рэалізацыі Пагаднення аб супрацоўніцтве паміж горадам Смаленскам і Маскоўскім раёнам горада Мінска.
Дасягнута дамоўленасць аб візіце мэра Смаленска ў Мінск для абмену досведам функцыянавання жыллёва-камунальнай сферы ў канцы бягучага — пачатку наступнага года з улікам эпідэміялагічнай сітуацыі ў дзвюх краінах.