Кіраўнік Башкірыі азнаёміўся з прадукцыяй ААТ «Магілёўліфтмаш»
27.09.2021 г.27 верасня 2021 г. у Уфе адкрыўся форум «Уралстройиндустрия». Кіраўнік Рэспублікі Башкартастан Радый Хабіраў наведаў стэнд ААТ «Магілёўліфтмаш», прадстаўлены на форуме.
У прыватнасці, сумесна з афіцыйным дылерам ТАА «УралСтройМашКомплект» Хабіраву была паказана ліфтавая кабіна ЛП-0621Б, якая будзе ўстаноўлена ва Уфе ў новабудоўлі на вуліцы Лётчыкаў.
Пасажырскія ліфты «Магілёўліфтмаш» выпускаюцца грузападымальнасцю ад 225 да 1275 кг з хуткасцю руху да 2 м/с уключна. Прызначаныя для ўстаноўкі ў жылых дамах, грамадскіх і адміністрацыйных будынках, гасцініцах, банках і офісах, вырабляюцца з верхнім і ніжнім размяшчэннем машыннага памяшкання, а таксама асобныя мадэлі, якія не маюць машыннага памяшкання.