Беларуская прадукцыя на выставе «Дзень поля — 2021»
16.07.2021 г.Кіраўнік аддзялення Пасольства Уладзімір Варанковіч 15 ліпеня наведаў сельскагаспадарчую выставу «Дзень поля — 2021», традыцыйную у Ніжагародскай вобласці.
Уладзімір Варанковіч правёў сустрэчы з прадстаўнікамі Міністэрства сельскай гаспадаркі і харчовых рэсурсаў, фермерскіх гаспадарак, аграрных аб’яднанняў, дылерамі беларускіх прадпрыемстваў, якія вырабляюць сельскагаспадарчую тэхніку і абсталяванне.
На выставе прадстаўлена прадукцыя ААТ «Гомсельмаш», ААТ «МТЗ», ААТ «МАЗ» — УКХ «БелаўтаМАЗ», ГК «Гаспадар».
Міністэрствам сельскай гаспадаркі і харчовых рэсурсаў Ніжагародскай вобласці пры падтрымцы ТАА «Авторемстрой» (афіцыйны дылер ААТ «МТЗ») праведзены першыя абласныя спаборніцтвы па фігурным ваджэнні трактара «Беларус 80.1».
Пераможцы ўзнагароджаны дыпломамі міністэрства і падарункамі ад ААТ «МТЗ».
